Valimar ("Над небом голубым есть город золотой...")

Or luine menel ná

I arta laurea,

Calasse ando látina

Ar elen taurea

Artasse – aldeon

Salquissen lóteo,

Entasse vantar vanime

Celvar ú nóteo.

Ve tulca minya nárefinda rá

Ar tatya – mundo, quanta henduo,

Nelya – sorno laurea menelya,

Eryar hendu calime úquétime.

Menelde látina

Min elen tintina.

Ta elya ná, a Vanima,

Tennoio elya ná!

I mele – melima,

I faina – air’elen,

Nai tulya elenelya le

Artanna tienen.

Omentuvalye nárefinda rá

Ar lúne mundo quanta henduo,

Asente sorno laurea menelya,

Eryar hendu calime úquétime.

 

Оригинал, комментарий

Подробнее: Valimar ("Над небом голубым есть город золотой...")

Tala

Erúmea mirilya tala

Earwa hísie mi lúne!

Ma milya lunte ettelesse?

Ma hehtie mi lóna quilma?

 

Entyála raumo – falma rúma,

Acúna tyulma yaimea…

Umirye ruce almarello,

Umirye mere almare!

 

Nenissen – celume anwinya,

Menelde – alca laurea…

Nan verya vente wanwa milya,

Ve sére wanwalisse ná!

 

2004 г.

 

Оригинал (Лермонтов), подстрочник, комментарий

Подробнее: Tala

"Ушастая песня"

Lassecanta líre

 

Ve cemendil cata hyanda langa landa menel-lóme,

Héya, héya!

Hyare lencave pelerya et númello tenna róme,

Héya, héya!

I cemendil rere eldi, quanta cambe winta erde,

Ve marillaron olóte lostar eleni menelde,

Héya, héya!

Silme-taure, silme-laire langa roitar, roitar nore,

Héya, héya!

Horta se arasse Ráno et númello tenna róme,

Héya, héya!

Nornoráse or-nu orne, enel taure tundor lorne,

Ar lo raina roimetyáro sildaráno róma tyála,

Héya, héya!

Lúme yasse ráca lilta, lúme yasse ráca linda,

Héya, héya!

Lúme tyalien wingildin, wilwe nermi-tavarildin,

Héya, héya!

I lúmesse tinga macil, náva yúla tinwelante,

Undu hísie nardainen ríca nande tier-vandar,

Héya, héya!

Tarmenelde, fanyar pella tarcamundo Tilionwa,

Héya, héya!

I cemende tindoméva tuce hyanda Ambaronna,

Héya, héya!

Nairo tuima or palúre orya restaryallo more,

Sintar eldi-helcelimbi, tocot laita Anaróre.

Héya, héya!

Ambor holtuva lor tenna ló, tenna ló…

 

2010 г.

Оригинал (Иллет), подстрочник, комментарий

Подробнее: "Ушастая песня"

Газэлы

Etelehtie harwello – a elya má,

Lairelosse laire pella – a elya má.

 

Hírienye mi ring’ áre i melima

Ar amápie nandelle, a elya má.

 

Ai! Ve wilwarin mi linque má-ninyava

Linta, vánie menelle a elya má,

 

Mal anartie nurtaina umbartanen,

Naira-lóte úva quele, a elya má:

 

Ilya aica russe-melme anartie

Inya fairie-quimelle, a elya má!

 

Ve amápie feanya (lá nurruan:

Fea-ninya – fea elya), a elya má!

 

2009 г.

Оригинал (Парнок), комментарий

Подробнее: Газэлы

Перевод из Катулла

 

Erye ve almárie, navin, Valar,

erye, verya quetta, or mahalmantar

i elyenna hárala ilya lúme

hare le cene,

lisse tyave lálie, yallo sinta-

sinta penyo sáma… yáresse vellen

Liltanáre-tári, ú-lertuvanye

encare quetta.

Lamba quéla, sírima nu helmanya,

wilwa náre, tambina tinga lamma

órenyasse voro, hendu nar tante

Vaine mórínen.

Sára elyen, Arthoron, sungwa sina,

sangwa imbe quettar mi lairi sine;

lairenen talantier rimbe tári,

mindoni taure.


2005, 2006 гг.

Оригинал и комментарий

Подробнее: Перевод из Катулла

Lumbor

 

Lumbor menelwe… A ranyari vorime!

Helwe linyassen ve lia marillaron      (helwa linyasse)

Rimpe ve inye, Heceldi, allintave,

Moina Formello mir nórie hyarmeno.

 

Mana, i horta: var namna umbartenen?

Milme nurtaina, var tevie látina?

Quí elyen úcare lumna, quí lantie?     (ulcarma)

Var leucalambea furu otornion?

 

Lá! Elyen lumna cémesse ú yáveo...

Mére lá sintel – lá istuval naicele.

Vorima ringwe ar vorima fairie...

Úme len ettele, úva len nórie.

 

апрель 2005 г.

 

Оригинал (Лермонтов), комментарий

Подробнее: Lumbor

Exa Wende

 

Entuluvalye nin súrínen húmenen

Ter Ilweranta minna irmin-Yantamen;

Mályatse elda-míri – un-

dómenna mentuvalyes...

 

Mittanyal ni ter ondolóme almienna,

Tíralyen oiale, ná aire melme-lenya,

Mi ambar canuvanta ve amau-

rea súlilya…

 

A Tári mélina! Ve calar elya quetta!

Aselye quetin, imbe met – Entardo-metta,

Asinye nálye oi

Mi naire lírelmaiva…

 

Entuluvalye nin súrínen húmenen

Ter Ilweranta minna irmin-Yantamen;

Mályatse elda-míri – un-

dómenna mentuvalyes...

 

2009 г.

Оригинал (Гребенщиков), комментарий

Подробнее: Exa Wende

zzzzzzzz